Conto Paparikan Silih Asih
Rincik-rincik hujan leutik,
paralak hujan tambaga.
ngilik-ngilik ti leuleutik,
teu terang aya nu boga.
Kaso pondok kaso panjang,
kaso ngaroyom ka jalan,
sono mondok sono nganjang,
sono papanggih di jalan.
Haruman Gunung Haruman,
jeruk manis mapag lemo,
kaluman kuring kaluman,
urut pagalentor sono.
Leumeung teundeut cocongoan,
jalanna ka Rajagaluh,
meungpeung deukeut sosonoan,
jaga mah urang pajauh.
Cau ambon dikorangan,
malti ka pipir-pipir,
engkang nu ambon sorangan,
Nyai mah teu mikir-mikir.
Aya listrik di masigit
caangna ka pabrik Kina
Aya istri jangkung alit
endahna kabina-bina
Baju hideung kancing tangan
dikaput ku merang awi
Nu hideung matak teu nangan
sing emut ka diri abdi
Baju tablo dibulao
Kembangna katuncar mawur
Ari bogoh mah ti bareto
Ngan ayena di incer ku batur
Beak daun beak randu
unggal poe dibikeunan
Beak taun beak windu
moal weleh dileukeunan
Boboko ragrag ti imah
ninggang kana pileuiteun
Nya bogoh ulah ka semah
Ari balik sok leleungiteun
Kembang goyang jeung ermawar
pacampur jeung kacapiring
Hariwang rea kakelar
tagiwur teu genah cicing
Lampuyang nu cocongoan
bawaeun ka Rajagaluh
Ku hayang nya sosonoan
isuk mah urang pajauh
Leuleupeutan leuleuweungan
ngarah kekejoanana
Deudeukeutan reureujeungan
ngarah tetenjoanana
Meuncit meri dina rakit
Boboko wadah bakatul
Lain nyeri ku panyakit
Da kabogoh direbut batur
Majar maneh nganyam samak
Neukteukan bari motongan
Majar maneh neang anak
Ngadeukeutan popotongan
Kapungkur aya di bandung
Ayeuna mah di pandaan
Duh enung ulah sok pundung
Yeuh akang sesah mendakan
Barangbang daun kalapa
Malang dina jalan suni
Sanajan nu indung bapa
Omat ulah wani wani
Samping hideung dina bilik
Kumaha nuhurkeun nana
Abdi nineung ku nu balik
Kumaha nuturkeun nana
Reundeu beureum reundeu hideung
Reundeu kayas solentangan
Beuki heubeul beuki nineung
Beuki lawas kaedanan
Rincik rincik hujan leutik
Paralak hujan tambaga
Nilik nilik mojang leutik
Teu terang aya nu boga
Batu turun keusik naek
Kalapa tonggoheun nana
Itu purun ieu daek
Sarua bogoheun nana
Ramanten buah ramanten
Ramanten di parapatan
Hapunten abdi hapunten
Bilih aya kalepatan
hawa angin ngadalingding
nu lai kieu rasana
nandang nyeri tanpa tanding
Carulang dipahpal kuda
hejo deui hejo deui
rek mulang samar kaduga
nenjo deui nenjo deui
Tangkal Manjah sisi lamping
tangkal putat keibunan
hate bungah tanpa tanding
nampi serat kikintunan
Samping kageutahan dukuh,
di kelas di kacaikeun.
Nu matak maneh sing kukuh,
papatah guru imankeun.
Hampelas raraga jati,
Palataran babalean,
Iklas raga reujeung pati,
Lantaran ti kahadean.
Peupeujeuh ari ka dayeuh,
Meuli kupat jeung gorengan,
Peupeujeuh ari geus euweuh,
Ulah ngupat kagorengan.
Cukleuk leuweung cukleuk lamping,
Jauh ka sintung kalapa,
Lieuk deungeun lieuk lain,
Jauh ka indung bapa.
Batu kali dina cai
Dina cai aya hurang
Punten abdi sanes ahli
Sepi harti kirang luang
Hayam jago boga dua
dipeuncit poe kamari
kudu getol ka sakola
sangkan jadi jalma ngarti
Ka pasar meuli kapiting
kapitingna tinggal dua
Ulah sok liar ti peuting
osok loba gogodana
Samemeh ngamparkeun kasur
samak heula ambéh rinéh
saméméh nyalahkeun batur
tilik heula awak manéh
Ngala lauk meunang selar
bungkusna ku daun jati
Sakur mahluk nu gumelar
dipikaasih ku gusti
Sereh ti Gunung Koromong
dipelak di kolong sasak
Samemeh anjeun pok ngomong
pikir heula masing asak
Papan kiara ditatah
iraha jadi lomari
Mun bisa miara letah
mokaha salamet diri
Nimbang pare deukeut pager
tumpukanana ngajajar
Tinimbang jeung udar-ider
leuwih hade ge diajar
Nanggap wayang diheulakeun
bodorna Cepot jeung Gareng
Murid nu rajin ngapalkeun
moal meunang peunteun goreng
Kanikir siki kanikir
cangkudu meunang panimu
Kapikir beuki kapikir
hirup kudu loba elmu
Barangbang dahan kalapa
malang dina jalan suni
lamun hidep geus dewasa
kudu bisa jaga diri
Aya manuk dina pager
na sukuna aya bola
lamun hayang jadi pinter
kudu getol ka sakola
aya hiji balon rek bitu
sabab kagencet ku buhaya
naha urang sunda teh kitu
mopohokeun kana budaya
Ninyuh uyah ku cipati
Diwadahan piring gelas
Anu sabar eta pasti
Ku Allah dipikawelas
hayam jago boga dua
di peuncit poe kamari
kudu getol kasakola
sangkan jadi jalma ngarti
sore sore jeung bi titi
meuli daging ka mang agung
percuma jalma pangarti
lamun sifatna adigung
Nanggap wayang diheulakeun
Bodorna cepot jeung gareng
murid nu rajin ngapalkeun
moal meunang peunteun goreng
Bodorna cepot jeung gareng
Lucuna kabina bina
Lamun embung peunteun goreng
kudu getol diajarna
Cau naon cau naon
Cau keletuk Di juru
Bau naon bau naon
Bau hitu nungajuru
Saya ingin punya gitar
Gitarnya warna coklat
Saya ingin punya pacar
Pacarnya yang rajin sholat!
ere ere daun pare
meulak suuk disolokan
aya awewe eukeur sare
kacang na elok-elokan
cikaracak ninggang batu
laun laun jadi legok
tai cakcak ninggang huntu
laun laun mah di lebok
Ka mana Jalan Ka Jogja
Ka ditu Ka Palih Wetan
Ka mana Jaln Ka Surga
Ka ditu Ka Pangaosan
Tangkal saledri tangkal kangkung
dijengkal baki didapur
aya istri dikerudung
hanjakal beuki salaki batur
Boboko ayakan kalo
cecempeh wadah gorengan
bobogohan ulah kaalo
matak loba kagorengan
daun pulus dilulunan
jojodog ti tarkolot
sugan tulus lalaunan
aya jodi pakokolot
Contoh paparikan bersifat sesebred
Damar kurung damar gantung,
damar siang pamidangan.
Mun teu tulus ka Si jangkung,
palangsiang kaedanan.
Aya listrik di masigit,
caangna kabina-bina,
aya istri jangkung alit,
karangan dina pipina.
Kaliki kembang kamangi,
lampuyang pamura beuteung,
indung jangkung bapa koneng,
anak bureuteu beuteung.
Tikukur macokan huni,
kecok deui-kecok deui,
beunang dipupur diponi,
dekok deui-dekok deui.
Kini-kini kuang-kuang,
akeup-akeup peupeureudeuyan,
nini-nini palay tuang,
diakeup peupeureudeuyan.
Basa pondok osok nyogok
basa panjang osok nyugak
Anu pondok jadi orok
anu panjang jadi budak
Caang bulan opat belas
teu kaduga ku poékna
Aya bujang baju bodas
teu kaduga ku korétna
Cai mulang cai malik
cai ngocor ka astana
Panon burial buncelik
da kadempét étanana
Cau naon cau naon
cau kulutuk di juru
Bau naon bau naon
bau nu hitut nungajuru
Cikaracak ninggang batu
laun-laun jadi legok
Tai cakcak ninggang huntu
laun-laun nya dilebok
Cikur jangkung jahé konéng
lampuyang pamura beuteung
Rarasaan jangkung konéng
puguh mah bureuteu hideung
Daun jarak dibeungkeutan
dibawa ka jalan gedé
Anu harak ngadeukeutan
hayangeun dibawa hadé
Écét écét oét oét
ngaronda ngarurek belut
Kapélét kuring kapélét
ku randa nu gedé hitut
És lilin kalapa muda
dibawa diorong-dorong
Abdi resep ka nyi randa
lamun mandi sok ditoong
És lilin ku amis tiis
leuwih ngeunah ti és télér
Abdi isin ku nu geulis
dikiceupan jol ngagolér
Ka Bandung tuluy ka Bogor
di Cianjur meuli bonténg
Kasiksa boga kabogoh
sungutna bau spiténg
Ka Banjaran ka Cikajang
ka Lembang ka Pamonokan
Panasaran ku nu lenjang
hayang nyobaan mondokan
Kéréték kudana beureum
ditumpakan anak Cina
Kapélét ku randa eusleum
unggal poé kuring jinah
Ki Hiang nu meunang nuar
disugu pikeun jualeun
Kahayang meunang nu beunghar
puguh mah jalma kuuleun
Lima kirang tilu dua
nu ngitung tos bener deui
Waos tilu punglak dua
kantunna tos ungger deui
Manuk kaak macok kupat
kecok deui kecok deui
Diwedak reujeung disipat
dekok deui dekok deui
Meuleum manggu tengah poé
dicokélan kayu api
Malem minggu ninggang sué
diapélan aki-aki
Meuli topi meuli koper
selop rumput dibungkusan
Nyai koki ngaku pinter
ngesop buntuk ditungguan
Pa Suma gawéna dahar
mun bedug bakal ditéwak
Percuma dibéré beunghar
mun budug saawak-awak
Pipiti di bunga wari
kaso panjang diteukteukan
Resep ka randa kiwari
sono nganjang deudeukeutan
Pipiti dibunga wari
téténong dibobokoan
Lalaki jaman kiwari
hadé omong pangoloan
Poé Saptu poé Kemis
salasa heuleut-heuleutan
Saha itu muril kumis
leumpangna eundeuk-eundeukan
Sada ketuk sada kenong
sada suling eujeung goong
Huntuna nyénghol katémbong
lamun ngomong bau jigong
Ti Lélés ka Kadungora
jalana mani molongpong
Baheula nini téh ngora
ayeuna mah enggeus ompong
Turub cupu buli-buli
dipaké wadah hangasa
Daék sukur teu paduli
kami gé da moal maksa
Tidak ada komentar:
Posting Komentar